Os protagonistas

Uxía, desde pequena, sempre tivo moi claro que de maior quería traballar cos animais do mar.

A súa curiosidade levouna a estudar Bioloxía e a especializarse no mundo mariño.

Agora investiga as propiedades nutricionais dos produtos do mar, tras descubrir importantes melloras no noso organismo a través do seu consumo regular en diferentes pratos.

Investiga ditas melloras coa axuda de “Roque O Peixeiro” e do seu asistente virtual “PeiX”.

Peixeiro de profesión, axuda a Uxía coa investigación que leva a cabo dada a súa experiencia no sector.

Polo seu oficio, sitúase no medio do percorrido dos produtos do mar: desde que se pescan ou extraen, ata que chegan ao consumidor final.

Fala tanto con mariñeiros, mariscadoras, traballadores da lonxa, coas cociñeiras e cociñeiros dos restaurantes e coa clientela.

Este contacto diario dálle unha ampla experiencia no medio e un gran coñecemento das especies e produtos do mar, cos que traballa a diario.

Trátase do asistente dixital de Uxía e o suxeito das probas virtuais da investigación.

É o encargado de probar as deliciosas receitas que deseña Roque, experimentando no mundo virtual as melloras dunha alimentación baseada nos produtos do mar.

PeiX é un melómano dos pés á cabeza, polo que o método de comunicarse con el é a través da música e os ritmos. Tanto, que só fala en rimas!